QUARQUE INFORMACION SAL PAÍS
Fraisse, coma lhi autres país d’la Val Varacha, tròba sias originas dins l’Etat Mesana. Bèla si es plaçaa s’la directritz centrala d’la valada, dins lo passat la Comuna es sempre estaa penalizaa da un territòri gaire portat per l’agricultura, e a sempre agut un ròtle marginal en rapòrt a las comunas da pè.
Sus lhi 16,80 Kmq de son territòri se tròbon mai o menc seissanta ruaas que van dai 706 metres al fons de la valada ai 1.276 metres de la ruaa Vitonèt, un bòt abitaa tot l’an, que se tròba en posicion mai elevaa. Encara pus en aut se retròbon de grops de granjas, un bòt adobraas d’istaa per la pastura e lhi trabalhs di champs; quarqu’una es de grandas dimensions.
Aquestas informacions, e lo fach qu’un bòt lo cap luec foguesse pustòst pichòt, nos fan comprener perquè la popolacion era espatarraa sus tot lo territòri comunal. De fach la Comuna es dividua en tres parts: lo Cap luec, dich “La Vila”, que despuèi la seconda meitat de l’Uech Cents, embe la construccion de la modèrna via, es plan plan creissut e devengut mai important; lo sistèma des ruaas de “L’Adrech”, la part viraa a metzjorn; las ruaas de la Fraccion Sant Maurici, dichas de “L’Ubac”, plaçaas a nòrd.
NÒVAS
QUE FAR
